Shpërthim në një shtëpi në Gjakovë, lëndohet rëndë një 20 vjeçar

Një 20 vjeçar nga Gjakova ka pësuar lëndime të rënda për shkak të shpërthimit të një mjeti shpërthyes.

Nga Policia e Kosovës kanë bërë të ditur për gazetën online Reporteri.net se rasti ka ndodhur mbrëmë pas mesnate.

Sipas policisë, shpërthimi ka ndodhur në shtëpinë e viktimës dhe po ashtu potencohet se sipas hetimeve të para dyshohet se vetë viktima ka shkaktuar shpërthimin.

“Sot, rreth orës 01:20, një mashkull rreth 20 vjeç është dërguar për trajtim mjekësor si pasojë e lëndimeve të rënda të shkaktuara nga një mjet shpërthyes.

Menjëherë në vendngjarje kanë dalë të gjitha njësitë relevante policore, dhe sipas hetimeve fillestare, dyshohet se viktima, aksidentalisht ka shkaktuar shpërthimin e mjetit në shtëpinë e tij, në fshatin Dobrigje-Gjakovë”, ka thënë zëdhënësi i Policisë për rajonin e Gjakovës, Sheremet Elezi.

Prokuroria është duke e hetuar rastin.

© SYRI.net

Lexo edhe:

• Mitrovica nis instalimin e kamerave të sigurisë publike
• Incident i rëndë në Gjilan: Një person sulmohet në kokë me shufër hekuri
• Kapet arsenal armësh në Podujevë me destinacion Gjermaninë – tre persona në kërkim