Një natë historike për Atalantën, që ka siguruar një kualifikim epik në Champions League, duke përmbysur humbjen 2-0 të ndeshjes së parë ndaj Borussia Dortmund dhe duke triumfuar 4-1 në Bergamo.

Përmbysje me karakter dhe spektakël

Zikaltërit e nisën vrullshëm sfidën dhe kaluan në avantazh që në minutën e 6-të me Gianluca Scamacca, i cili ndezi shpresat e tifozëve vendas.

Në fundin e pjesës së parë, në minutën 45+1’, ishte radha e Davide Zappacosta për të dyfishuar shifrat dhe për të barazuar rezultatin e përgjithshëm.

Në pjesën e dytë, Atalanta nuk hoqi këmbën nga gazi. Në minutën e 57-të, Mario Pasalic realizoi golin e tretë, duke kompletuar përmbysjen e madhe.

Dortmundi tentoi të rikthehej në lojë me golin e Karim Adeyemi në minutën e 76-të, por në frymën e fundit të takimit, në 90’+8’, Lazar Samardzic vulosi gjithçka me golin e katërt, duke shpërthyer festën në stadium.

Një kualifikim për histori

Me rezultatin e përgjithshëm 4-3, Atalanta realizon një nga përmbysjet më të bukura në historinë e saj europiane, duke eliminuar një kundërshtar të fortë si Dortmundi dhe duke dërguar një mesazh të qartë në arenën kontinentale.

Bergamo feston, ndërsa Atalanta vazhdon ëndrrën europiane me një kualifikim që do të kujtohet gjatë.

Golat

https://streamin.link/v/4b532991

https://streamin.link/v/4b532991

https://streamff.link/v/2efd3d21

https://streamff.link/v/5ea4b045

https://streamff.link/v/5fc56e39