Ousmane Dembele raportohet se ka refuzuar mundësinë për t’u transferuar në Arabinë Saudite, pavarësisht se kishte një ofertë mjaft fitimprurëse.

“FootMercato” ka raportuar se francezit iu ofrua një kontratë pesë-vjeçare, me vlerë rreth 40 milionë euro në vit, transmeton Gazeta Express.

Klubi që i bëri ofertën ishte Al-Nassr.

Klubi saudit ishte i gatshëm të paguante klauzolën e lirimit prej 50 milionë eurosh në kontratën e lojtarit, si dhe t’i ofronte Dembeles një shumë prej 200 milionë eurosh gjatë një kontrate pesë-vjeçare.

Megjithatë, kjo ofertë nuk do të arrijë në zyrat e Barcelonës pasi vetë 26-vjeçari e refuzoi.

Kontrata aktuale e Dembeles me ​​Barcçën skadon në fund të sezonit të ardhshëm, por ish-sulmuesi i Borussia Dortmundit është në bisedime për një kontratë të re.