Ka ndodhur një situatë e pazakonte me të ardhmen e talentit turk të Fenerbahces, Arda Guler. Kur pritej që 18 vjeçari të firmoste me skuadrën e Real Madrid, negociatat kanë marrë një tjetër rrjedhë.

Sipas asaj që raporton gazetari i mirinformuar, Fabrizio Romano, Reali po punonte ditën e sotme me dokumentet për të përfunduar marrëveshjen me Gulerin, por Barcelona ka arritur në momentet e fundit ta bindë Ardan të luaj për ta.

Mediat turke e konsiderojnë talentin më të madh në këtë vend dhe thuhet se Barcelona do të paguajë 22 milionë euro plus bonuset për shërbimet e tij, ndërsa klubi madrilen ofronte 20 milionë euro plus 20% të vlerës së kartonin do t’i mbetje Fenebahces.

Real Madrid were working on the documents to get Arda Güler deal done today but Barcelona finally conviced Arda at the last moment, Güler will play for Barcelona, here we go! 🔵🔴🇹🇷 #Barcelona

Proposal is worth €22m plus add-ons, €2m more than Real, and 30% sell on clause. pic.twitter.com/iF1hnJ0vYW

— Fabrizio Romano (@Adamasioo) July 5, 2023

Guler ka luajtur gjithsej 20 ndeshje në sezonin e fundit të Superligës së Turqisë dhe ka shënuar katër gola dhe ka dhuruar katër asistime. Në total, sezonin e kaluar ai luajti 35 ndeshje dhe shënoi gjashtë gola dhe dhuroi shtatë asistime.

Talenti turk luan në krahun e djathtë dhe në pozicionin e dhjetëshit, dhe kryesisht përdor këmbën e majtë dhe teknika e tij të kujton shumë Lionel Messin.