Sylvinho u zyrtarizua dje në krye të stolit të Kombëtares duke firmosur një kontratë që do ta mbajë lidhur me Shqipërinë për 18 muaj.

Braziliani që ndan jetën mes Sao Paolos, (vendi ku ka lindur) dhe Italisë, ka vendosur që do të shpërngulet në Shqipëri, për të punuar me kohë të plotë, edhe pse një pjesë e punës së tij do të jetë në udhëtim, dukë vëzhguar lojtarët e Kombëtares nga afër, shkruan "Panorama Sport".

Por si është jeta personale e trajnerit të ri të Shqipërisë? Sylvinho është i martuar dhe babai i dy fëmijëve, një vajze, e cila nga postimet e fundit mesa duket jeton në Madrid dhe babai i një djali, të cilët i ka me bashkëshorten e tij, Lusie.