Përgjysmimi i prodhimit të ullirit dyfishon këtë vit çmimin e ullirit por përjashtim nuk bën as vaji.
Fermerët shprehen se në uljen e rendimentit kanë ndikuar kushtet atmosferike, ndërsa nga ana tjetër qytetarët deklarojnë se me këtë çmim që ka shkuar vaji i ullirit ata nuk kanë mundësi ta blejnë.
SYRI.TV
Ulja e prodhimit ka sjelle edhe rritjen e çmimit të ullirit. Fermerët e Beratit shprehen se shkak për këtë situatë janë kushtet atmosferike të verës së nxehtë dhe pa shira.
Në tregjet e Beratit duket qartë sasia e pakët e ullirit, çmimi i të cilit këtë vit është dyfishuar. Në treg 1 kg ulli këtë vit varion nga 250-300 lekë (të rinj) nga 130-150 lekë që ishte vitin e kaluar.
Rritje ka pësuar këtë vit edhe çmimi i vajit të ullirit, i cili nga 300 lekë (të reja) për kg ishte vitin e kaluar këtë vit ka varion nga 600-700 lekë.
Ndërkohë që tregtarët e justifikojnë dyfishimin e çmimit të ullirit me përgjysmimin e sasisë së prodhimit ndërsa qytetarët shprehen se e kanë të pamundur ta blejnë me këtë çmim ullirin dhe vajin e ullirit.
© SYRI.net