Fshati Humelicë në Gjirokastër banohet vetëm nga të moshuarit, të rinjtë janë larguar pasi nuk shohin asnjë të ardhme në këtë zonë. Por edhe ata që kanë mbetur vuajnë mungesën e ujit, por edhe të infrastrukturës. Banorët shprehen se kanë marrë pretime gjatë fushatës, por kur mbaron ajo asnjë nuk vjen më në fshat.

SYRI TV

Në hartën e shpopullimit futet tashëm edhe fshati Humelice, i cili ndodhet vetëm 15 km larg Gjirokastres. Kjo zonë e harruar tërësisht nga pushteti vendor jetojnë vetëm mosha e tretë.

Por në këtë sezon veror ku temperaturat kanë qenë të larta, të moshuarit ankohen për mungesë të ujit. Banorët shprehen se edhe pse fshati ndodhet mes dy lumenjve, në cezmat e tyre nuk vjen uji. Madje nëse shkon për vizitë ne shtepinë e tyre ata thonë se mund të qerasin me raki, por jo me ujë.

Banorët  theksojnë se përpara zgjedhjeve u kanë premtuar se do të shtrojnë rrugët, por pas fushatës nuk kanë bërë asgjë.

Dikur në këtë fshatë ishin  100 shtepite  ndërsa tani kanë mbetur shumë pak.