Banorët e lagjes së SMT-së Lezhë, po përballen çdo ditë me mungesën e energjisë elektrike dhe erës së keqe të ujërave të zeza. Ata fajësojnë bashkinë Lezhë se prej vitesh i ka lënë në harresë duke mos bërë asnjë investim në këtë zonë. Banorët thonë se mungesa e kanalizimeve dhe dalja e ujërave të zeza në sipërfaqe po u rrezikon shëndetin.

Nga SYRI TV

Mungesa e kanalizimeve, energjisë elektrike dhe infrastruktura rrugore janë problematikat më të cilat po përballën banorët e lagjes SMT në Lezhë. Të irrituar nga mungesa e vëmendjes së Bashkisë, ata theksuan se situata është problematike ku dalja e ujerave në sipërfaqe po e ben jetesën e vështirë.

Pavarësisht premtimeve në fushata elektorale, investimet në ketë zonë kanë munguar prej vitesh thonë qytetarë.

Kjo problematikë është e njohur prej vitesh për Bashkinë e Lezhës,  por ende nuk i ka dhenë asnjë zgjidhje kësaj  situatë, duke vënë në rrezik shëndetin e banorëve.