Të ardhurat e një familjeje shqiptare shkojnë vetëm për të blerë ushqimet më bazike. Studimi më fundit i EUROSTAT tregon se vendi ynë ka të ardhurat më të ulëta në rajon, ku 31% e asaj që prodhon ekonomia shqiptare shkon për t’u ushqyer. Treguesi i konsumit individual për frymë, që mat mirëqenien e një familjeje, e vendos Shqipërinë në fund, me diferencë të ndjeshme nga rajoni.
SYRI TV
Shqiptarët kanë të ardhurat më të ulëta në Europë, duke i shpenzuar ato vetëm për tu ushqyer. Cccmimet e larta të produkteve ushqimore I detyron familjet shqiptare që me pjesën të madhe të të të ardhurave të blejnë ushqimet, një tregues ky I varfërisë ekstreme. Të dhënat e fundit të Eurostat bëjnë të ditur se shpenzimet nominale për ushqim, si përqindje ndaj Prodhimit të Brendshëm Buto ishte 31.2% në vitin 2022, nga 6.6% që është mesatarja e Bashkimit Europian. Për bukën dhe drithërat, familjet shqiptare kanë shpenzimeve rekord në 4.3% të PBB-së, nga 1.2% që është mesatarja europiane.
SHPENZIMET E FAMILJAVE SHQIPTARE
Bukë e drithëra 4.3% të PBB-së
Mish 6% e të ardhurave
Qumësht, djath e vezë 5.1% të PBB-së
Fruta e perime 11.9% të PBB-së
Edhe për vitin 2022, Shqipëria mbeti vendi me të ardhurat më të ulëta për frymë në Europë në raport me prodhimin e brendshëm buto si dhe për konsumin individual për frymë.
TË ARDHURAT PËR FRYMË
Shqipëria 40%
Bosnjë-Hercegovinë 42%
Mali i Zi 64%
Serbia me 53%
Maqedonia e Veriut 51%
treguesi i konsumit individual për frymë, që mat të ardhurat sipas fuqisë blerëse, apo mirëqenien e një familjeje e vendos Shqipërinë në fund, me diferencë të ndjeshme nga rajoni.
© SYRI.net