Do të duhet të shijonin pensionin, por çifti Mevlat dhe Nazire Buzi në Fier punojnë si çoban duke ruajtur bagëtitë. 

Dy të moshuarit tregojnë se pensioni është i pamjaftueshëm për të përballuar shpenzimet e jetës, ndërsa irritohen me premtimin elektoral të Edi Ramës për shpërblimin prej 50 mijë lekësh.

Çifti Buzi thotë se qeveria i diskriminon, pasi nuk përfitojnë as nga skemat e subvencioneve në bujqësi.

Syri Tv 

Mevlat dhe Nazire Buzi janë një çift pensionistësh nga fshati Kallm i Madh në Fier. 

Të dy, ndonëse do të duhet të shijonin pensionin, kanë zgjedhur të punojnë duke ruajtur një kope me dele.

Mevlati dhe Nazireja tregojnë se secili merr nga 7 mijë lekë pension, i pamjaftueshëm për t`u siguruar jetesën, ndaj detyrohen të punojnë.

Të dy, janë të irrituar me qeverinë dhe kryeministrin Edi Rama, sidomos pas premtimit elektoral, se do t`u japë shpërblim nga 50 mijë lekë.

Por, sikur të mos mjaftojë kjo, pensionistët blegtorë, tregojnë se ata nuk kanë as mbështetje nga ministria e bujqësisë për subvencione, pasi, kriteri për numrine  bagëtive, i përjashton nga skema e përfitimit.

Dy të moshuarit tregojnë se fëmijët i kanë të gjithë në emigracion, ndërsa ata punojnë vetë, për të përballuar jetesën.