Rrugë e amortizuar, një përrua që kërcënon me përmbytje dhe mungesë e ujit të pijshëm. Këto tri probleme i shqetësojnë prej vitesh banorët e fshatit Grykëzezë në Lezhë, të cilët thonë se pushteti lokal i ka harruar.
Nga SYRI TV
Kjo është gjendja e rrugës së fshatit, e cila prej të paktën 20 vitesh nuk njeh investime. Ajo është amortizuar krejtësisht, ndërsa janë vetë banorët që e mirëmbajnë, për shkak se nga pushteti lokal nuk është vënë kurrë dorë.
Për banorët, shqetësim është dhe përroi i fshatit, i cili sa herë që ka reshje vërshon dhe shkakton përmbytje nëpër banesa.
Sigurimi i ujit të pijshëm është sfidues për banorët e fshatit Grykëzezë.
Të gjitha këto problematika, janë dhënë si premtime elektorale për tu zgjidhur, por deri më sot, askusht nuk ka kthyer sytë nga banorët e këtij fshati.
Gazetar: M. Marku
Operator: E. Nikolli
Redaktor:J. Hoxhaj
Montazhi: L.Kotri
© SYRI.net