Dita e Pavarësisë ka sjellë në Shqipëri qytetarë të shumtë nga Kosova. Një fluks i madh qytetarësh e mjetesh janë nisur këtë të martë të 28 nëntorit nga Kosova drejt Vlorës për të festuar 111-vjetorin e Pavarësisë. 

SYRI TV

Me flamuj kombëtarë e këngë patriotike, qytetarë të shumtë janë nisur nga Kosova drejt Vlorës në këtë ditë të shënuar për mbarë kombin shqiptar, 28 nëntorin e shpalljes së Pavarësisë. Për qytetarët e Kosovës kjo ditë mbetet e shenjtë për shqiptarët të cilët kanë luftuar ndër shekuj e derdhur gjak për liri e pavarësi.

Mëngjesi i kësaj të marte pati fluks të lartë qytetarësh e mjetesh drejt Shqipërisë, pjesa më e madhe e tyre të organizuar për të kremtuar 111-vjetorin e Pavarësisë.