Kryeministri Edi Rama anulon në mënyrë të njëanshme mbledhjen e përbashkët me qeverinë e Kosovës, e cila ishte planifikuar të mbahej nesër në Gjakovë.
Burimet nga zyra e Ramës thanë se mbledhja është anuluar.
Ndërkohë, zëdhënësi i qeverisë së Kosovës, Përparim Kryeziu, deklaroi për SYRI TV, se nuk ka asnjë njoftim nga qeveria e Shqipërisë për anulimin e mbledhjes së përbashkët të qeverive në Gjakove.
Sipas tij, qeveria e Kosovës është gati për mbledhjen nesër.
Mediat e Kosovës raportuan më herët se mbledhja e qeverive, e parashikuar për nesër, mund të anulohet.
Këto media i referohen burimeve nga Tirana.
Ndërkohë pritet një dalje e kryeministrit Edi Rama në një konferencë për shtyp.
© SYRI.net