Një ditë më parë u mësua se Lulzim Basha nuk ka dhënë dorëheqje, por është kryetari i PD-së. Kjo konfirmon se Lulzim Basha e dinte se sigla e PD-së do mbahej peng nga Edi Rama.
Ndërkohë, pasi Lulzim Basha deklaroi se po dorëhiqej, të parët që reaguan ishin përfaqësuesit e ambasadës amerikane në Tiranë.
Sipas Yuri Kim, Basha vendosi interesat e partisë dhe të vendit mbi interesat personale, duke treguar udhëheqësi të vërtetë.
“Vendimi i marrë nga Lulzim Basha sot për t’u dorëhequr si Kryetar i Partisë Demokratike meriton respekt. Vënia e interesave të partisë dhe të vendit mbi ato personale është shenjë e udhëheqësisë së vërtetë. Shpresojmë që vendimi do të përcaktojë rrugën që Partia Demokratike të ecë përpara drejt së ardhmes; do të forcojë marrëdhënien e veçantë të Shqipërisë me Shtetet e Bashkuara; do të përforcojë mbështetjen për reformat dhe përpjekjet e tjera për qëllimin e Shqipërisë për t’iu bashkuar Bashkimit Europian; dhe do të ritheksojë parimet dhe idealet demokratike mbi të cilat u themelua,” thuhet në deklaratën e 21 marsit 2022.
Por edhe kjo dukej se ishte një tallje e madhe jo vetëm me shqiptarët, por mbi të gjitha me SHBA-në. Yuri Kim vazhdoi që të lobojë që Basha të jetë në krye të PD-së, madje para pak ditësh kur u mbajt seanca e Gjykatës së Apelit, dërgoi njerëzit e saj për presion në gjykatë.
E gjithë kjo farsë ndodhte kur gjykata me një dokument të dy ditëve më para kishte konfirmuar se Lulzim Basha është kryetar i PD-së.
Kujtojmë se opozita e ka akuzuar Yuri Kim se ka tentuar të mbajë Bashën kryetar, edhe pse është akuzuar nga inteligjenca amerikane për financime ruse.
© SYRI.net