Në Konferencën Ndërkombëtare të Donatorëve për Ukrainën, kryeministri Edi Rama ka njoftuar se Shqipëria do të japë 1 milion euro në ndihmë të shtetit që gjendet prej më shumë se dy muajsh nën agresionin rus.
‘Në këtë konferencë ne do të kontribuojmë me 1 milion euro, e di që nuk do të ndryshoje në përfundimin e luftës pra mënyrën si po zhvillohet lufta, por ne jemi të nderuar që jemi këtu. Jam falenderues për kryeministrin polak që është pjesë e kësaj konference, për të bërë më të mirën për ukrainasit dhe të shohim sa më shpejt paqen," tha Rama.
Rama ka shtuar se Shqipëria ka qenë ndër shtetet e para që ka hapur dyert ndaj refugjatëve ukrainas.
Por Rama nuk po e respekton kërkesën e Ukrainës për të mbyllur portet për anijet ruse.
Sipas Deutsche Welle, pavarësisht kërkesës së presidentit ukrainas, Volodymyr Zelensky, Shqipëria ende nuk i ka mbyllur portet për anijet ruse.
Madje Rama nuk do kufizojë hyrjen e turistëve rusë, edhe pse Zelensky tha se mes tyre mund të ketë vrasës që kanë kryer krime në Ukrainë.
"Nuk ka një vendim të Bashkimit Evropian për ndalimin e anijeve dhe kufizimin e turistëve rusë, prandaj do të vazhdohet si vitet e shkuara. Vendimet tona janë gjithmonë në linjë me ato të BE-së. Në rast se do të ketë një vendim të linjëzuar, ne do të linjëzohemi menjëherë me BE-në. Kjo është shumë e thjeshtë, nuk është një çështje e ngatërruar”, deklaroi dje Rama.
© SYRI.net
Besoj ne buunine e Presidentit Ukrahinas se nuk do te ja pranoje keto leke Hipokritit Rama.