Zgjedhjet e kandidatëve të PD, çfarë do të ndodhë tani.../ Flet anëtarja e Komisionit, Eneriketa Papa

Zgjedhjet e kandidatëve të PD, çfarë do të ndodhë tani.../ Flet anëtarja e Komisionit, Eneriketa Papa

16:40, 25/09/2020

Anëtarja e Komisionit të Përzgjedhjes së Kandidatëve në PD, profesoresha Eneriketa Papa gjatë një interviste në SYRI TV në Edicionin e Pasdites të drejtuar nga moderatorja Armela Ferko, ka treguar se çfarë do të ndodhë pas fazës së 2, në përzgjedhjen e kandidatëve.

Sipas Papës, duke qenë se ka nisur procesi i votimeve për kandidatët nga anëtarësia, ky proces pritet të përfundojë brenda datës 10 tetor.

Papa ka treguar se anëtarësia e PD-së ka një koeficient prej 20 për qindësh, për të shprehur mos pëlqimin për një kandidat. Ajo ka treguar gjatë intervistës së saj në SYRI TV, se vota e anëtarësisë, që ndodh për herë të parë, do të skualifikojë kandidatët që nuk shikohen si të përshtatshëm për ta.

Sipas Eneriketa Papës, pas përfundimit të procesit të votimit në të gjithë Shqipërinë, emrat që e kanë kaluar këtë fazë do të kalojnë sërish në procesin e përzgjedhjes nga ana e Komisionit.

Pas kësaj faze emrat e përzgjedhur do ti kalojnë kryesisë së PD-së e cila do të vendosë edhe për përzgjedhjen përfundimtare të kandidatëve me të cilët Partia Demokratike do të dalë në fushatë për të kërkuar votën e qytetarëve.

© SYRI.net

Lexo edhe:

Komentet

Shto koment

Denonco