Edi Rama edhe pse thotë se e ka pranuar për të votuar marrëveshjen e 5 qershorit, vazhdon sërish lojën e tij politike për ndaluar koalicionet parazgjedhore.

Këtë e tha edhe sot, ku deklaroi se do të mbështeste nismën e Myslym Murrizit me shokë dhe deklaroi se me hapjen e listave, formula aktuale e koalicioneve nuk qëndron.

'Patjetër që listat e hapura, e bëjnë të pamundur, formulën e koalicioneve të tanishme.

Se i bie që në një fletëvotimi të kemi llogariteni aritmetikisht, 40 parti këtej, 40 andej, nga 35 secili në Tiranë, një fletë votimi që do ishte një qylym nga Universiteti tek monumenti i Skënderbeut.

Por kjo nuk do të thotë që të pengojmë që subjektet të bëjnë marrëveshjet e tyre dhe të kenë subjekt unikal’, tha Edi Rama duke tentuar të ndryshojë kushtetutën me një parlament monopartiak që e kontroll ai.