'Pse shpëtova, të kisha ikur dhe unë më mirë me ta'.
Oficeri i policise Ajet Meçaj përlotet sërish duke rrëfyer natën e kobshme të 26 nëntorit, kur tërmeti i mori gruan, vajzën dhe mbesën.
Edi Rama ishte sot në familjen Meçaj nga Durrësi, e cila humbi tre pjestarë të saj nga tërmeti tragjik i 26 nëntorit.
Nën rrënoja mbetën katër anëtarë, por vetëm babai i familjes, Ajeti arriti të dalë i gjallë, kurse gjyshja, vajza e tyre Diena dhe mbesa, Erisela humbën jetën.
Rama tha se do ta mbështestë familjen Meçja për nevojat që do të kishte.
Ajeti tregon tmerrin e asaj nate duke theksuar se Diena e kishte ndjerë tërmetin dhe i kishte kërkuar që të shkonte në shtëpinë e tyre.
'Nga ora 4-r, dëgjova që mbesa ulërinte nga frika dhe godina pësoi një goditje të fortë dhe u shemb.
Pasi dola nga pallati pastaj u ktheva që të thërrisja familjen. Vajza dhe mbesa na thërrisnin, babi, gjyshi na shpëtoni', ka rrëfyer me lot në sy, Ajeti.
Ai ka treguar momentet e dhimbshme te kerkimeve, ndersa ka kerkuar qe te marre vetem nje pension qe te kaloje ditet e mbetura ne Itali, tek djali tjeter.
Pak vite më parë, Diena kishte humbur edhe bashkëshortin e saj, Dorin pas një ataku kardiak.
© SYRI.net