Ndryshe nga vitet e shkuara kur “Fajin e kishte Saliu” dhe para kohësh kur “fajin e kishin mediat dhe gazetarët”, tani “fajin e ka Kina”.

Koncesioniari aziatik i aeroportit të Rinasit është vënë në qendër të akuzave nga qeveria shqiptarë për vjedhjen e armatosur të 10 milionë eurove që u krye këtë të martë në pistën e Rinasit.

Sipas Ministres së transportit dhe energjitikës, Belinda Balluku, fakti se grabitësit kanë arritur deri në pistën e aeroportit duhet lidhur me rrefuzimin e kinezëve për të mos pranuar masat e sigurisë që ka dashur të imponojë qeveria.

Por kaq ka mjaftuar që në rrjetet sociale të shpërthejnë meme ironizuese, ku tallet qeveria Rama dhe veçanërisht ministrja Balluku.