Autoriteti i Mediave Audiovizive, AMA ka reaguar pas lajmit për kërcënimin e gazetarit Ylli Rakipi.
Në një njoftim për media, AMA thotë se u bënë disa raste të kërcënimit të gazetarëve dhe kjo gjë është shqetësuese.
Deklarata e plotë e AMA:
Autoriteti i Mediave Audiovizive, AMA po përcjell me shumë shqetësim lajmet për kërcënimet serioze që ka marrë drejtuesi i programit të njohur televiziv ‘Të paekspozuarit’, z. Ylli Rakipi.
Si një rast i përsëritur i presionit në forma të ndryshme ndaj gazetarëve në detyrë, AMA dënon çdo përpjekje që cënon dhe rrezikon fjalën e lirë dhe integritetin e angazhimit të komunitetit të medias.
AMA solidarizohet me z. Rakipi dhe apelon për autoritetet, që menjëherë të zbardhin rrethanat dhe të venë para përgjegjësisë ligjore fajtorët e këtij akti të rëndë, si dhe të garantojnë një klimë të sigurtë dhe normale për redaksitë dhe gazetarët në ushtrimin e detyrës dhe misionit të tyre për të informuar publikun.
© SYRI.net