Nëse nuk do të çelen negociatat, kjo do të thotë se kemi një qëndrim për të gjithë klasën politike, por veçanërisht për mazhorancën.

Kështu deklaroi zv.Kryetari i LSI-së, Luan Rama në studion e Syri.net, duke akuzuar Kryeministrin Edi Rama se në vend që të kërkojë dialogun politik me opozitën, e sulmon, e akuzon, e qesh dhe nënqesh atë.

“Europa nuk sugjestionohet vetëm nga ajo që deklarohet në Shqipëri përmes diplomacisë mediatike.

Ja ta themi ne që Shqipëria është bërë kopsht me lule, ja po e mbyllim ne gojën, por çfarë thonë qytetarët shqiptarë që po paguajnë me xhepin e tyre këtë sjellje kriminale të qeverisë?”, tha Luan Rama.