Gjatë ditës së sotme, 25 dhjetor, një sërë kompanishë dhe web faqja e Parlamentit të Shqipërisë janë përballur me sulme nga hakerat.

Nuk dihet ende zyrtarisht, pasi nuk ka një njoftim zyrtar, por në një kërkim në internet, faqja e parlament.al nuk është funksionale, siç tregon edhe foto më poshtë.

Ndërkohë hakerat kanë lëshuar disa mesazhe në Telegram:

Nëpërmjet një postimi në “Telegram”, grupi i hakerave thotë se faqja e Kuvendit është në duart e tyre.

“Do të paguajnë edhe uzurpuesit e sediljeve të Kuvendit. Deputetët e korruptuar së shpejti do të shkatërrohen kur të kuptojnë se si demoni i tyre i brendshëm po i demonstrohet çdo kërkuesi të së vërtetës”, thuhet në postimin e bërë nga grupi i hakerave “Drejtësi për Atdheun”.