SPAK dhe BKH kanë ndërmarrë këtë të martë një operacion në Elbasan, në përpjekje për të kapur të shumëkërkuarin e drejtësisë Suel Çela.

Burime për SYRI TV bëjnë të ditur se me urdhër të Prokurorisë së Posaçme, oficerët kanë kryer kontroll të imtësishëm në shtëpinë e Çelës dhe kanë shoqëruar edhe babain e tij.

Autoritetet kanë zhvilluar herë pas here operacione për kapjen e Çelës, por pa sukses. Ndaj Çelës ka masë sigurie arrest në burg, të dhënë nga Gjykata e Posaçme pas deklarimeve të Nuredin Dumanit dhe Henrik Hoxhajt. Çela dyshohet si porositës i dy ngjarjeve të rënda kriminale./