31 vjeçari Edison Ismaili është arrestuar nga policia pasi rezulton i dënuar me 5 vjet e 4 muaj burg për ndihmë për kalim të paligjshëm të kufijve dhe për mosbindje ndaj urdhrit të policisë. Mësohet se ndalimi i 31 vjeçarit u bë i mundur në vendin e quajtur “Ura e Beshirit” në kryeqytet.

Ai rezulton i dënuar nga gjykata e Pogradecit me 5 vjet e 4 muaj burg për “Ndihma për kalim të paligjshëm të kufirit” dhe “Mosbindja ndaj urdhrit të punonjësit të policisë”, pasi në vitin 2019 ka bashkëpunuar me shtetas të tjerë, për të transportuar emigrantë të paligjshëm kundrejt pagesës.

Njoftimi:

Tiranë/Vijon puna për kapjen e shtetasve të shpallur në kërkim dhe vënien e tyre përpara përgjegjësisë ligjore. 

Finalizohet nga Komisariati i Policisë Nr. 6, operacioni policor i koduar "Bridge". 

Vihet në pranga një shtetas i dënuar me 5 vjet e 4 muaj burgim, për ndihmë për kalim të paligjshëm të kufijve dhe për mosbindje ndaj urdhrit të punonjësit të Policisë.

Shërbimet e Komisariatit të Policisë Nr. 6, në vijim të punës për lokalizimin, kapjen dhe vënien përpara përgjegjësisë penale të shtetasve të shpallur në kërkim, bazuar dhe në informacionet e siguruara në rrugë operative, për vendndodhjen e një shtetasi të shpallur në kërkim, organizuan dhe finalizuan operacionin policor të koduar "Brigde".     

Si rezultat i këtij operacioni, në vendin e quajtur "Ura e Beshirit", u bë kapja e shtetasit në kërkim Edison Ismaili, 31 vjeç, banues në Tiranë. 
 
Ky shtetas ishte shpallur në kërkim pasi Gjykata e Rrethit Gjyqësor Pogradec e ka dënuar me 5 vjet e 4 muaj burgim, për veprat penale “Ndihma për kalim të paligjshëm të kufirit" dhe "Mosbindja ndaj urdhrit të punonjësit të policisë së rendit publik", pasi në vitin 2019, në Pogradec, ka bashkëpunuar me shtetas të tjerë, për të transportuar emigrantë të paligjshëm, kundrejt pagesës. 

Materialet i kaluan Prokurorisë, për veprime të mëtejshme.