Altin Dumani mori këtë të hënë zyrtarisht detyrën si kreu i ri i SPAK. Gjatë prezantimit të tij para stafit, Dumani  paralajmëroi  luftë agresive dhe korrupsionit për zyrtarët e çdo niveli dhe krimit të organizuar.

Ai nxiti 70 prokurorët që të gjithë bashkë të demonstrojnë që janë të aftë për të luftuar korrupsionin dhe krimin e organizuar. Dumani theksoi se zyra e tij është e hapur për të gjithë hetuesit ndërsa u shpreh se do të jetë krah tyre për të gjithë sfidat që i presin përgjatë 3 viteve.