Një 48-vjeçare është përplasur pak minuta më parë nga një makinë në dalje të qytetit të Beratit.
Liljana Salillari, ka qenë duke kaluar nga njëra anë e rrugës në tjetrën për të shkuar në lokalin ku ishte e ftuar për dasëm por është përplasur dhe është tërhequr zvarrë nga një makinë në vendin e quajtur "Ura e Hanit".Mjeti tip Citorn,me AB 028 ES ka qenë duke qarkulluar nga Berati në drejtim të Dimalit kur ka përplasur e marrë para gruan, që ka mbetur e shtrirë në rrugë deri në mbërritjen e ambulancës.
E plagosura është transportuar drejt Spitalit Rajonal të Beratit në gjendje të rëndë dhe ndodhet nën kujdesin e mjekëve. Në vendngjarje kanë mbërritur efektivë të shumtë të policisë rrugore dhe ekspertë, që janë duke kryer edhe këqyrjen e vendngjarjes,për të zbuluar shkaqet dhe dinamikën e aksidentit.
Paraprakisht mendohet se drejtuesi i mjetit Enea Mehmetaj,i cili është shoqëruar në polici, ka qenë duke qarkulluar me shpejtësi dhe nuk e ka parë gruan që po kalonte rrugën, për shkak edhe të mungesës së ndriçimit në këtë aks nacional.
Berat/Informacion paraprak
Në rrugën Berat-Dimal, pranë vendit të quajtur "Ura e Hanit", shtetasi E.M, 28 vjeç, duke drejtuar automjetin, ka aksidentuar shtetasen L.S., 48 vjeçe, e cila është dërguar në spital, për ndihmë mjekësore, aktualisht jashtë rrezikut për jetën.
Drejtuesi i automjetit u shoqërua në komisariat, për kryerjen e veprimeve procedurale.
Grupi hetimor po punon për zbardhjen e rrethanave të aksidentit.
© SYRI.net