Gjashtë vjet burg është dënimi i shqiptuar ndaj 36-vjeçarit shqiptar L.M ditët e fundit nga gjykata e Novarës, pak muaj pas vjedhjes dhe të shtënave të 3 dhjetorit të kaluar në Castelletto Ticino, ku hajduti mbeti i plagosur në tentativë për të kaluar një postbllok.

Sipas mediave vendase, 36-vjeçari shqiptar, i cili nga autoritetet italiane njihet dhe me 4 emra të tjerë, besohet të jetë koka e bandës së hajdutëve të apartamenteve që atë mbrëmje kishin shënjestruar një vilë të madhe në via Giotto, në periferi të qytetit. I njohur tashmë në Novara për shkak se ishte arrestuar dhe në shtator 2017 në përfundim të operacionit "Prometeo 2" (hetim ndaj grupeve të ndryshme hajdutësh), ai u gjykua me një gjykim të shkurtuar për grabitje dhe marrjen e mallrave të vjedhura, përfshirë makinën në të cilën ai ishte duke pritur për bashkëpunëtorët e tij pasi ishte vjedhur disa kohë më parë në Lombardi.

Prokurori i kishte kërkuar 8 vjet mbrojtjes për rikualifikim në tentativë për vjedhje, me arsyetimin se nuk ka pasur tentativë nga i akuzuari për të sulmuar postbllokun. Dhe në vend të kësaj, në bazë të rikonstruksionit të kryer nga karabinierët dhe prokuroria, në mbrëmjen e ngjarjeve, kur pas darkës u ndez alarmi i vilës, pronarët e së cilës mungonin përkohësisht, koka e bandës kishte tentuar dy herë të përplaste me makinë postbllokun e policisë, e vendosur në fillim të rrugës së mbyllur për të bllokuar të vetmen rrugëdalje. 

Kur ishte përpjekja e dytë për të mposhtur policinë, ata ishin detyruar të gjuanin të shtëna paralajmëruese. Njëri kishte goditur edhe shqiptarin, i cili i plagosur kishte tentuar më kot të fshihej në hyrje të një pallati. Ai u vu në gjurmë pak më pas dhe u arrestua. Ai është ende në burg. Kërkesa e mbrojtjes për të urdhëruar një raport balistik për të rindërtuar dinamikën e saktë të incidentit dhe në veçanti trajektoren e të shtënave u refuzua.

Nuk janë identifikuar ende bashkëpunëtorët e tridhjetë vjeçarit që kishin tentuar të hynin në shtëpinë në via Giotto. Ata ishin arratisur në këmbë në fshatin e qytetit kur mbërriti policia.