Një ngjarje e rëndë ka ndodhur në Gjirokastër, ku një minorene është abuzuar seksualisht në mënyrë të vazhdueshme nga një 53-vjeçar, i cili është arrestuar nga policia.

Specialistët e Seksionit të Hetimit të Krimit në Komisariatin e Policisë Gjirokastër ndaluan shtetasin Kabuli Hunda, 53 vjeç, banues në Libohovë.

Ai dyshohet se në periudha të ndryshme kohore ka kryer marrëdhënie seksuale me dhunë me një shtetase të mitur, 16 vjeçe, e cila ndodhet në spital, për të marrë ndihmën mjekësore dhe për ekzaminimet e mëtejshme.

Materialet në ngarkim të shtetasit të mësipërm u referuan në Prokurorisë pranë Gjykatës së Shkallës së Parë Gjirokastër, për veprën penale “Marrëdhënie seksuale ose homoseksuale më dhunë me të mitur të moshës 14-18 vjeç”.