Romë - Tmerr dhe panik në plazhin e Torvaianica, në bregdetin roman nga disa të shtëna pranë kompleksit “Bora Bora”.
Dy persona me fytyrë të mbuluar mbërritën me një motorçikletë “skuter” në orën 10:30 dhe njëri zbriti e hyri në plazh duke hapur zjarr dhe plagosur një shqiptar me precedentë penalë.
Të dy atentatorët arritën të shpëtonin.
Karabinierët e 'Compagnia di Pomezia' ndërhynë. I plagosuri u dërgua në spitalin San Camillo dhe nuk është në rrezik për jetën.
Viktima, me origjinë shqiptare, njihet si Simone, ndërsa atentatori ishte italian, por lajmi duhet të verifikohet.
Viktima u transportua në spital me helikopter.
Nga ana tjetër, agresori u largua, duke u përzier me turmën dhe po kërkohet në mënyrë aktive së bashku me një bashkëpunëtor, i cili dyshohet se e mori atë me një makinë.
© SYRI.net