Prej disa muajsh ajo është partnerja e një prej liderëve politikë më të mëdhenj në botë, Javier Millay, president i ri i Argjentinës.

Por përveç romancës së saj të famshme, Fatima Flores është një aktore humori e njohur e cila ka mbushur teatrot e Argjentinës, kryesisht me performancat e saj ku imiton shumë personalitete.

“Nuk e kisha menduar kurrë që një emision politik do të më sillte kaq shumë popullaritet, një çmim Martín Fierro (çmimi më i lartë në televizionin lokal). Është ëndrra e çdo aktori dhe unë kam mundur ta përmbush atë falë personazhit të Christina”, tha ajo për CNN në 2014.

Edhe kur e ftojnë në intervista televizive, asaj i kërkohet shpesh të bëjë imitime të ndryshme dhe Flores është në gjendje, pa maska ​​të mishërojë më shumë se njëzet personazhe, nga aktorë dhe prezantues të televizionit argjentinas.

 

 

 

 

View this post on Instagram

 

 

 

 

 

 

 

 

 

 

 

A post shared by Imitadora - Actriz - Cantante - Bailarina (@soyfatimaflorez)

Emri i saj artistik është Fátima, por emri i saj i vërtetë është María Eugenia, ajo është 42 vjeç dhe është rritur në Olivos, një lagje në periferi të kryeqytetit argjentinas, ku ndodhet edhe rezidenca presidenciale. 

Ajo është shprehur shpesh në intervista se ka adoptuar pseudonimin e saj me sugjerimin e ish-bashkëshortit të saj, Norberto Marcos, të cilin e takoi në Peru në vitin 2001 dhe që nga ky vit ishte edhe producenti i saj për një kohë të gjatë. 

Një marrëdhënie e papritur dhe e pazakontë

Një javë pas zgjedhjeve paraprake të 13 gushtit, u bë e ditur se kandidati me më shumë vota, populisti i djathtë Javier Millay, ishte në një lidhje me Flores.

Tani që Miley është zgjedhur presidente e Argjentinës, Florez do të bëhet zonja e parë dhe mund të jetojë në rezidencën presidenciale Olivos, në të njëjtën shtëpi ku Cristina Fernandez de Kirchner ka jetuar më parë për 12 vjet  si zonja e parë, midis 2003 dhe 2007 dhe më pas si presidente deri në 2015.