Puthje pasionante, vëmendje dhe përqafime të përzemërta: në festën e 49-të të ditëlindjes së aktorit, Leonardo DiCaprio dhe modelja italiane Vittoria Ceretti sigurisht që nuk u shqetësuan për t'ua fshehur të ftuarve tërheqjen dhe kiminë që i lidh prej disa muajsh.

Në super festën e organizuar mbrëmjen e së shtunës në një vilë të marrë me qira për këtë rast në Beverly Hills të Kalifornisë, të dy janë puthur gjatë gjithë natës, siç ka thënë një burim për 'People'.

Festa vazhdoi deri në orët e para të mëngjesit dhe miqtë e shumtë të Leonardo DiCaprios (të cilët duhej të respektonin të vetmin rregull për të cilin aktori nuk donte të bënte kompromis: pa foto) qëndruan deri në 4 të mëngjesit.

Shumë yje ishin të ftuar si JAY-Z, Beyoncé, Snoop Dogg, Tobey Maguire, Rita Ora, Kim Kardashian, Axl Rose, Lady Gaga, Salma Hayek. Në mesin e të ftuarve ishte edhe reperi Lil Wayne, i cili këndoi disa nga këngët e tij.