Figura e ndritur e shkrimtarit dhe profesorit Vehbi Bala u përkujtua nga familjarë e studiues. E bija, Mira Kushta u shpreh se ai ia doli të kapërcente izolimet e kohës, ndërsa si momentin më të bukur kujton botimin e veprës së Gjergj Fishtës, që regjimi diktatorial e pati ndaluar si shkrimtar.
Nga SYRI TV
Figura e ndritur e vargjeve të përshpirtshme, autori i studimeve dhe monografive për shkrimtarët e ndaluar, profesor dhe themelues i arsimit të lartë në Shkodër, Vehbi Bala është përkujtuar në 100 – vjetorin e lindjes përmes një veprimtarie në Akademinë e Shkencave. Teksa rrëmon në kujtime, Mira, e bija thotë se i ati qe i përkushtuar ndaj familjes, ndërsa kontributi i tij i kapërceu izolimet e kohës me botimin e monografisë për Gjergj Fishtën, që regjimi e ndaloi dhe e përjashtoi si shkrimtarë.
Marrëdhënien më të fortë Vehbi Bala, e pati me të birin Agronin, që përvijoi rrugën e letërsisë dhe u kujdes për botimin e veprës së tij.
Vehbi Bala ishte autor e bashkautor i shumë teksteve shkollore dhe akademike. Në fushën letrare spikati me 6 monografi. Studiuesi Ymer Çiraku përmendi hartimin e një prej periudhës kryesore letrare.
Njohës i veprës, familjari e kompozitori Shpëtim Kushta, tha se kontributi i tij letrar duhet ribotuar.
Rrugëtimi artistik i Vehbi Balës është i rëndësishëm, ngase sjell një frymë të re në letrat shqipe.
© SYRI.net