Është ndarë nga jeta në moshën 96-vjeçare në Nju Jork këngëtari i njohur amerikan, Tony Bennett. Anthony Benedetto, i njohur ndryshe si Tony Bennett, ishte me origjinë italiane dhe lindi në vitin 1926 në Nju Jork nga prindër emigrantë dhe u rrit i varfër.

Karrierën e këngës e ka nisur në moshë shumë të re dhe pas kthimit nga llogoret e Luftës së Dytë Botërore iu përkushtua muzikës, duke krijuar shkollën e tij të performancës, falë dashurisë për të kënduarit, ngrohtësisë dhe ekspresivitetit të zërit.

Pop-i dhe xhazi klasik dominuan repertorin e këngëtares me 8 dekada karrierë dhe shitje prej 50 milionë disqesh në mbarë botën. Me një diskografi që daton në vitin 1949, Bennett është shpërblyer shumë herë gjatë jetës së tij, duke fituar, ndër të tjera, 20 çmime Grammy dhe 2 çmime Emmy.

Në vitin 2016 ai u diagnostikua me Alzheimer, megjithatë ai vazhdoi të punojë deri në vitin 2021 dhe në fakt rekordi i tij me Lady Gaga, faqe në faqe, ishte nr. 1 në Billboard Amerikan që në momentin e parë të publikimit.

Bennett kishte bashkëpunuar me dhjetëra artistë të famshëm të brezit të tij, si Al Jolson, Bing Crosby dhe Frank Sinatra, të cilët deklaruan se Bennett ishte këngëtari më i mirë në botë , por edhe me krijues të rinj si Amy Winehouse dhe Diana Krall.

Ndoshta trashëgimia më e madhe që ai lë pas, përveç këngëve të tij, është fakti se si artist ai zotëronte gjithmonë një profesionalizëm dhe miqësi të veçantë, që të tërhiqte pranë tij, me intimitet dhe pa asnjë sens për t’u imponuar emrit dhe legjendës së tij njerëzve që e rrethonin.

Bennett lë pas gruan e tij Susan, dy djem, dy vajza, nëntë nipër e mbesa dhe mijëra kujtime për dashamirësit e muzikës kudo.