“Jetë të humbura” është sprova e parë letrare e autorit Dëfrim Çeka. 23-vjeçari rrëfen historinë e djaloshit Val, brenda dhomës së ftohtë të jetimores, ndërsa thotë se përtej dyerve të mbyllura, jetimët janë të përjashtuar e të përbuzur nga shoqëria.
Nga SYRI TV
Dhomat e ftohta të jetimores e vuajtjet deri në asht të vogëlushëve u bënë motivi kryesor i ngjizjes së subjektit të novelës “Jetë të humbura” të autorit Dëfrim Çeka. Historia e djaloshit Val me ndrydhjet, që krijohen nga vështirësitë e të jetuarit në një ambient, për nga ndjeshmëritë e protagonistit - të zbrazët dhe nga ana tjetër në një shoqëri që e përbuz të rriturin ndryshe.
23-vjeçari rrëfen përmes notave realiste dhe një tragjizmi të thellë të vërtetat e mohimet. Përtej dyerve të mbyllura të jetimores, shoqëria tregohet përjashtuese ndaj tyre e harron më esencialen e ndjesive, të dhuruarit dashuri për ta. “Jetë të humbura” përcjell mesazhe të qenësishme për jetën dhe për dashurinë me qëllim që njerëzimi të sensibilizohet e të luftojë fenomenet, për të cilat fëmijët vuajnë sot.
Gazetare: E. Xhemali
Operator: E. Jahelezi
Montazhier: L. Islami
© SYRI.net