Më 11 qershor 1988 ndërroi jetë Gegë Marubi.

Lindi në Shkodër në vitin 1907 në gjirin e familjes së mirënjohur në zejen e fotografisë, Marubi. Studimet e larta i kreu pranë shkollës së Vëllezërve Lumière në Paris. Në vitin 1927 u kthye në atdhe, ku nisi të ushtronte profesionin bashkë me të atin.

“Dinastia e Marubëve” e ka zotëruar mjeshtrinë në celuloid si rrallëkush, duke lëvruar mbi 15.000 foto, negativë, që shënojnë ngjarjet më të rëndësishme të kohës, personalitetet me rëndësi, aspekte nga jeta shqiptare, veshje, kostume tradicionale etj. Në vitin 1952 studioja e Marubit kaloi si studio shtetërore nën Ndërmarrjen e Riparim-Shërbimeve. Gegë

Marubi la si trashëgimi në fushën e artit të fotografisë, mbi 51.000 negativë të përmasave të ndryshme në xham dhe në celuloid.

Bashkëlidhur, fotografi me portretin e Lekë Dukagjinit me kanunin në dorë, realizuar nga studio Marubi.