Gerard Pique i dha fund karrierës së tij të pasur të lojës me kartonin e kuq që mori në pjesën e parë të ndeshjes kundër Osasuna dhe gjyqtari Jesus Gil Manzano shkroi në raport se e bëri këtë sepse mbrojtësi i Barcelonës e shau nga nëna e tij.
“A e ke parë çfarë këndoreje ke dhënë? Ti je arbitri që na ke dëmtuar më së shumti. Je një turp i ndyrë, ik në dreq me gjithë nënën tuaj!", janë fjalët që shqiptoi Pique, sipas raportit të Manzanos.
Mirëpo, Pique mohoi se e kishte fyer arbitrin.
Siç ka theksuar ai, tani që ka përfunduar karrierën nuk mund të pezullohet, ndaj nuk ka nevojë të gënjejë se çfarë ka ndodhur realisht.
“Kam dhënë intervista që në moshën 17-vjeçare, tani më në fund jam i lirë dhe nuk kam pse të jap deklarata klishe por të them atë që mendoj realisht. Nuk i kam lënduar nënën askujt, por ka arritur deri aty ku nuk mund t'i thuash më asgjë gjyqtarit, ai të ndëshkon menjëherë. Në pjesën e parë iu afrova Manzanos dhe u ankova se na dëmtoi keq, i thashë që Lewandowski nuk duhej të merrte kartonin e parë të verdhë, goditja e këndit nga ku Osasuna shënoi nuk ekzistonte, por edhe një faull ndaj Marcos Alonso-s”, thotë Pique dhe vijon:
“Më pas e ndoqa në tunel dhe i thashë se ai gjithmonë kishte arbitruar në dëmin tonë, dhe më pas ai shikoi përfaqësuesin e klubit tonë, Carles Naval, më drejtoi gishtin dhe tha ‘ai është përjashtuar nga loja’. Isha i shokuar”, tha Pique dhe më pas shpjegoi se ku Manzano i dëgjoi sharjet.
“Unë shkova në dhomën e zhveshjes ndër të fundit dhe një nga shokët e skuadrës që ishte tashmë atje tha ‘he*ote...”. Manzano duhet ta ketë dëgjuar dhe mendoi se isha unë. Do të doja që gjyqtarët të kishin një sistem zëri dhe nëse do të jepnin intervista pas ndeshjes, kjo do të përmirësonte situatën”, tha Pique.
© SYRI.net
Mesfushori i Egnatias: Më mirë me gjyqtar të huaj në finalen me Partizanin
Guardiola jep këtë deklaratë për të ardhmen
Njohja e të rinjve me historinë e futbollit shqiptar, FSHF mirëpret një tjetër grup studentëshBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
