Trajneri i Tiranës, Orges Shehi, foli në konferencë për shtyp para ndeshjes së nesërme në transfertë ndaj Laçit.
Bardhebluve iu mjafton vetëm një pikë për t’u shpallur matematikisht kampionë të Abissnet Superiore dhe tekniku Shehi e thekson se në fushë do të futen vetëm për të marrë pikët e nevojshme, ndërsa shtoi se te kryeqytetasit nuk ka presion.
“Është një kundërshtar i fortë, vendi i dytë në kampionat. Duhet ta vlerësojmë këtë moment, skuadra është stërvitur mirë pas një ndeshje jo pozitive me Kastriotin. Java nuk ka qenë e plotë nga e diela në të premte, kemi qenë më shumë me përgatitje në aspektin psikologjik. Në çdo periudhë të kampionatit ka një ngjeshje të kalendarit, e kemi kaluar edhe me pandeminë.
Nuk është shumë problem se çdo skuadër ka organikën për të bërë rotacion, ne fokusohemi te ndeshja e nesërme para ndeshjes së mesjavës së ardhshme. Gjithnjë kërkojmë të bëjmë më të mirën dhe të jemi dominant, futemi në fushë për të marrë pikët që na duhen.
Nuk kemi pasur asnjëherë presion, edhe atë që kemi pasur kemi ditur ta menaxhojmë. Një autogol në sezonin e kaluar na nxori jashtë Europë me Laçin, por është diçka tjetër në këtë sezon. Ne shkojmë për të bërë më të mirën dhe për të kaluar ndeshjen ndaj Kastriotit”, u shpreh Shehi.
© SYRI.net
Bayer Leverkusen-Atalanta/ Sot finalja e Europa League, një shqiptar do ngrejë trofeun
Pep Guardiola shpallet trajneri i sezonit në Premier League: E ndaj me Artetën, Kloppin dhe…
Mamaja e Mbappe: Ju tashmë e dini se ku do të shkojë KylianBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
