Sulmuesi shqiptar Besart Berisha i ka dhënë fund aventurës në futbollin australian.
36-vjeçari, ishte prej 10 sezonesh aktiv në futbollin australian, që kur u transferua në vitin 2011 tek skuadra e Brisbejnit. Berisha ishte në ndër sulmuesit më të mirë të ligës duke u bërë protagonist me golat e tij kudo që transferohej.
Së fundmi Berisha ishte pjesë e Uester Junajtid ku për 2 sezone luajti 45 ndeshje dhe realizoi 26 gola. Shifra prej bomberi për Berishën i cili gjatë 10 viteve karrierë në Australi u aktivizua në 236 ndeshje në total, duke shënuar 142 gola.
Vetë sulmuesi shqiptar ka njoftuar largimin nga Australia duke falënderuar të gjitha skuadrat ku ka luajtur dhe të gjithë tifozët.
Postimi i Besart Berishës
‘’Mirupafshim!
Po largohem sot nga Australia! Ishte një vendim i vështirë të thuash mirupafshim pas 10 vitesh luftë, fitore, humbje, shënim golash e fitim trofeshë.
Dua të falënderoj të gjitha klubet dhe tifozët për këtë udhëtim në Australi. Kam takuar njerëz të mrekullueshëm që sot i quaj ‘familje’!
Faleminderit për të gjithë futbollistët që kanë luajtur me mua dhe më kanë ndihmuar të arrij momente të mrekullueshme dhe të krijoj historinë. Një falënderim special për të gjithë teknikët që më kanë trajnuar. Për të gjithë mbështetësit, ju dua dhe gjithmonë do t’ju jem mirënjohës për suportin e mrekullueshëm.
© SYRI.net
Bayer Leverkusen-Atalanta/ Sot finalja e Europa League, një shqiptar do ngrejë trofeun
Pep Guardiola shpallet trajneri i sezonit në Premier League: E ndaj me Artetën, Kloppin dhe…
Mamaja e Mbappe: Ju tashmë e dini se ku do të shkojë KylianBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
