Ministrja e Punëve të Jashtme dhe Diasporës, Meliza Haradinaj-Stublla, sot ka zhvilluar një takim njoftues me ambasadorin e Hungarisë në Kosovë, József Bencze.
Gjatë takimit është biseduar për domosdoshmërinë e vazhdimit dhe thellimit të bashkëpunimit ndërshtetëror në fushat e interesit të përbashkët, në veçanti në bashkëpunim ekonomik.
“Shpreha mirënjohjen time për mbështetjen e madhe që shteti hungarez ka dhënë për Kosovën në proceset tona shtetndërtuese, sidomos në përkrahjen e tyre për liberalizimin e vizave për qytetarët e Kosovës” ka shkruar Haradinaj-Stublla, në Facebook.
© SYRI.net