Nënkryetarja e Partisë Demokratike të Kosovës, Vlora Çitaku, ka komentuar reagimet për largimin e të Dërguarit të Posaçëm të Shteteve të Bashkuara të Amerikës për Rajonin e Ballkanit Perëndimor, Gabriel Escobar, nga detyrat që ka pasur në kuadër të rolit të tij si Zëvendësndihmësi i Sekretarit të Shtetit.
Përmes një postimi në rrjetin social Facebook, Çitaku ka shprehur keqardhje për këto reagime, duke thënë se politika e jashtme amerikane është konstistente dhe sipas saj, nuk e dikton një individ i vetëm.
“Po i lexoj disa reagime për largimin e Escobar.
Sinqerisht, për keqardhje.
Unë mund ta kuptoj që jo secili prej nesh e kupton mënyrën e funksionimit të State Department. Mirëpo, kur histeria dhe propaganda prekë eksponentët e qeverisë Kurti, të cilët mendojnë se kanë fuqi t’i diktojnë politikat kadrovike në SHBA, atëhere kemi të bëjmë me delir të madhështisë, e mjerim politik.
Departamenti i Shtetit nuk është bordi i KEK-ut. Edhe pas Escobar, Escobar do jetë. Politika e jashtme amerikane është konsistente, dhe nuk e dikton një individ i vetëm”, shkroi ajo.
Departamenti Amerikan i Shtetit ka njoftuar se Escobar është drejt transferimit në një rol të ri.
“Kjo vjen në kuadër të rotacionit që oficerët e shërbimit të jashtëm e kanë si rregull të detyrës së tyre dhe që ndodh në mënyrë proceduriale në 1 ose 4 vite të shërbimit të tyre në një detyrë”, thotë në deklaratë DASH.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
