Lëvizja Vetëvendosje ka thënë se zotimi i Qeverisë Hoti se Kosova nuk do të aplikojë për anëtarësim në organizata ndërkombëtare, përbënë precedent të rrezikshëm.
Deputetja e LV-së, Fitore Pacolli në një konferencë për media, ka thënë se kjo do t’i shkaktojë dëm të pariparueshëm pozitës së Kosovës në marrëdhëniet ndërkombëtare.
“Gatishmëria e kësaj qeverie jolegjitime që me vullnetin e saj të plotë të suspendoj subjektivitetin ndërkombëtar të shtetit do t’i shkaktojë dëm të pariparueshëm pozitës së Kosovës në marrëdhëniet ndërkombëtare. Në pikën e parafundit të letrës së nënshkruar kryeministri ilegal ka bërë shkelje të rëndë kushtetuese, ai ka nënshkruar pezullimin e Republikës së Kosovës”, ka thënë Pacolli.
Ajo ka shtuar se anëtarësimi në organizata ndërkombëtare është jetik për përforcimin dhe zgjerimin e legjitimitetit ndërkombëtar të shtetit të Kosovës.
“Kjo pikë e zotimeve është tani një fusnotë e dytë, më e dëmshme se e para. Edhe pse heqja dorë nga anëtarësimi në organizata ndërkombëtare, kjo nuk jep kurrfarë garancie se Serbia do të ndalë fushatën e saj për çnjohje të reja”, tha Pacolli.
Deputetja tha se heqja dorë nga aplikimi për anëtarësim në organizata ndërkombëtare është dorëzim i Kosovës para Serbisë.
“Kjo nuk duhet të shihet si sukses nga ana e Kosovës, përkundrazi Serbia ka arritur ta detyrojë Kosovën të heq dorë nga e drejta e saj legjitime për anëtarësim në organizata ndërkombëtare, kjo është dorëzim i Kosovës para Serbisë”, ka thënë Pacolli.
Deputetja e LV-së tha më tej se kryeministri Hoti nuk mund të vazhdoj më me takime e zotime që po krijojnë realitete të dëmshme për vendin.
© SYRI.net
Reagimet për Escobarin, Çitaku: Për keqardhje, politikën amerikane s’e dikton një individ i vetëm
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Denonco
Merrni lajmet më të fundit nga SYRI.net në çdo moment dhe kudo që të jeni!
