Partia e Dardan Molliqajt, PSD sot ka zhvilluar një aksion simbolik duke ia ndërprerë fjalimin kryeministrit të vendit Avdullah Hoti, e duke kërkuar që të ketë drejtësi për gratë ndaj të cilave ushtrohet dhunë, transmeton IndeksOnline.
Sipas PSD-së, dhuna ndaj grave është bërë pjesë e rrjedhës normale të jetës në Kosovë. Në institucione ky fenomen siç thonë ata është punë shifrash të raportuara.
“Janë këto fjalët-protestë të aksionit të sotëm. Dhuna ndaj grave është pjesë e rrjedhës normale të jetës në Kosovë. Në institucione, ky fenomen është punë shifrash të raportuara. Janë 388 raste raportimesh për 3 muaj. 388 gra ndaj të cilave është ushtruar dhunë kanë marrë guximin të raportonin në polici. Në polici, i pret polici që pas procedurave standarde, këtë çështje e konsideron punë të brendshme të familjes”, thekson komunikata.
Sipas tyre e tërë kjo e bënë të thuhet se “Personalja është politike”.
“Sepse raportet e konsideruara personale, private e familjare janë përplot shfrytëzim e dominim. Janë përplot dhunë.
Nga familja në shoqëri, nga shoqëria në institucione, dhuna ndaj grave është bërë pjesë integrale, është normalizuar deri atë masë sa është bërë e pavërejtshme. Ky qerthull duhet ndërprerë!”,përfundon komunikata.
© SYRI.net
Reagimet për Escobarin, Çitaku: Për keqardhje, politikën amerikane s’e dikton një individ i vetëm
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Denonco
Merrni lajmet më të fundit nga SYRI.net në çdo moment dhe kudo që të jeni!
