Kryetari i Nismës Socialdemokrate Fatmir Limaj ka pritur sot në takim shefin e EULEX-it Lars-Gunnar Wigemark me të cilin ka biseduar për zhvillimet aktuale në vend, menaxhimin e pandemisë, si dhe për forcimin e sundimit të rendit dhe ligjit në Kosovë.
Limaj ka vlerësuar kontributin e EULEX-it jo vetëm në forcimin e sundimit të rendit dhe ligjit në Kosovë, por edhe në mbështetjen dhënë institucioneve të drejtësisë.
I pari i Nismës Socialdemokrate theksoi rëndësinë që ky mision të vazhdojë të ndihmojë edhe më shumë sistemin gjyqësor në vend, veçanërisht në ofrimin e këshillave dhe ekspertizave në fushën e drejtësisë.
Shefi i EULEX-it u zotua se misioni të cilin ai e drejton do të vazhdojë ta mbështesë Kosovën në fushën e sistemit të drejtësisë.
© SYRI.net