Deputeti i AAK-së tregon se a do ta përkrah mocionin e VV's për rrëzimin e Qeverisë Hoti

07:33, 10/09/2020

Deputeti i AAK-së, Rasim Selmanaj ka thënë  se partia e tij nuk e përkrah mocionin e Lëvizjes Vetëvendosje për rrëzimin e Qeverisë Hoti.

"Nuk e përkrahim mocionin e Vetëvendosjes dhe nuk është iniciativë serioze, më shumë është një lojë me opinionin. Por, sa i përket Aleancës, ne nuk i japim nënshkrimet dhe nuk e përkrahim këtë nismë", ka thënë ai.

Selmanaj ka thënë se një gjë e tillë nuk do të ndodhë të paktën në rrethanat aktuale, duke pasur parasysh mënyrën se si është duke funksionuar koalicioni.

"Nëse krijohen zhvillime të reja, kur nuk respektohet marrëveshja e arritur mes partnerëve të koalicionit, atëherë është çështje tjetër. Atëherë, ne do të ulemi dhe do ta shprehim qëndrimin tonë", ka thënë ai per ktv

Selmanaj është pyetur nëse do të mbështetej mocioni i VV-së nëse Haradinaj nuk bëhet president.

"Nuk mund të flas për situata hipotetike. Ne tani për tani e kemi propozimin tonë që Ramush Haradinaj të jetë president i Republikës së Kosovës", ka thënë ai.

© SYRI.net

Lexo edhe:

• Reagimet për Escobarin, Çitaku: Për keqardhje, politikën amerikane s’e dikton një individ i vetëm
• Tetë mjekë dhe dy profesorë s’e kanë deklaruar fare pasurinë, ja lista ​
• ​Interpoli lëshon fletarrest për Milan Radojçiqin