Vritet një person në Dragash, i dyshuari në arrati

Një person ka mbetur i vdekur pas një rrahje që ka ndodhur mbrëmë, rreth orës 23:15, në fshatin Zlipotok të Dragashit.

Sipas informacionit të raportuar në raportin 24 orësh të Policisë së Kosovës, gjatë përleshjes mes disa personave, viktima dyshohet se ka pësuar lëndime nga një mjet i mprehtë.

Ai është dërguar për trajtim mjekësor në Qendrën Kryesore të Mjekësisë Familjare (QKMF) në Dragash, ku mjeku kujdestar ka konstatuar vdekjen e tij.

I dyshuari për rastin ndodhet në arrati.

Rasti është cilësuar si “vrasje e rëndë”.

“Fsh. Zlipotok, Dragash 29.06.2026, 23:15. Është raportuar se ka ndodhur një rrahje në mes disa personave, si pasojë e kësaj viktima mashkull kosovar, dyshohet se ka marrë lëndime nga një mjet i mprehtë dhe i njëjti është dërguar për tretman mjekësor në QKMF-Dragash, ku mjeku kujdestar ka konstatuar vdekjen e viktimës, ndërsa i dyshuari mashkull kosovar gjendet në arrati”, thuhet në raportin 24 orësh të Policisë së Kosovës. 

© SYRI.net

Lexo edhe:

• Vrasja në Dragash, viktimë imami 47 vjeçar
• Procesi ndaj ish-krerëve të UÇK-së drejt fundit, veteranët dhe juristët: Gjykimi ishte i stërzgjatur, presim vendim të drejtë
• Romë/ Si ranë hetuesit në gjurmët e katër të arrestuarve për atentatin me eksploziv ndaj gazetarit, Sigfrido Ranucci