Misioni i OSBE-së, përmes një komunikate për media kanë thënë se janë gjithnjë e më i shqetësuar për ndikimin në nivel njerëzor që ka mbyllja e fundit e zyrave paralele ku serbët lokalë kanë marrë shërbimet për kujdes shëndetësor, pagesa pensionesh, materiale shkollore e përkrahje sociale.
“Ndërprerjet e këtyre shërbimeve godasin në mënyrë proporcionale më rëndë të moshuarit, personat me aftësi të kufizuara dhe familjet me alternativa të kufizuara”, thuhet në reagimin e OSBE-së.
OSBE në reagim thekson se çdo masë që ndikon në shërbimet publike duhet të sigurojë akses të pandërprerë për të gjitha komunitetet, ndërsa mosmarrëveshjet duhet të adresohen përmes Dialogut të lehtësuar nga BE-ja dhe me konsultime kuptimplote lokale.
“Misioni do të vazhdojë të monitorojë situatën nga afër si pjesë e mandatit të tij të paralajmërimit të hershëm dhe mbështetjes për komunitete elastike dhe gjithëpërfshirëse.”, thuhet ne reagim.
Gjatë ditës edhe BE-ja kritikoi mbylljen e këtyre zyrave në veri.
Sipas një komunikate nga Zyra për Shtyp e BE-së, kjo përbën një tjetër veprim të pakoordinuar nga qeveria në detyrë e Kosovës dhe është në kundërshtim me detyrimet dhe angazhimet e Kosovës ndaj Bashkimit Evropian.
“BE-ja ka deklaruar vazhdimisht se statusi i tyre duhet të zgjidhet në përputhje me Dialogun e lehtësuar nga BE-ja, marrëveshjet e arritura në të dhe ligjet e Kosovës. Jeta e qytetarëve të zakonshëm, kryesisht e atyre serbë të Kosovës, por edhe të komuniteteve të tjera në Kosovë, ndikohet negativisht nga veprime të tilla. BE-ja i bën thirrje qeverisë në largim të Kosovës dhe institucioneve përkatëse të Kosovës që të përmbahen nga veprime të tilla provokuese dhe dëmtuese dhe të kërkojnë konsultime me komunitetin vendas të serbëve të Kosovës dhe partnerët ndërkombëtarë”, thuhet në deklaratën e BE-së.
© SYRI.net
'Protestat, rebelim i rinisë!' Auron Tare: Fatin e vendit s’mund ta ketë në dorë vetëm një person
VIDEO/ Qytetari: Edi Rama po na ha bukën me gjithë thërrime, Belinda dhe Linda e AKSHI-t të përballen në SPAK
Adi Krasta: Kryeministri i cili ktheu vendin e tij në narkoshtet e vodhi zgjedhjet u tha protestuesve 'Fuck you'
Denonco
Merrni lajmet më të fundit nga SYRI.net në çdo moment dhe kudo që të jeni!
