Deklarata e Trump se ndali konfliktin mes Kosovës dhe Serbisë, zëdhënësja e Shtëpisë së Bardhë thotë se kjo ndodhi sivjet

Zëdhënësja e Shtëpisë së Bardhë, Karoline Leavitt, ka deklaruar se brenda këtyre gjashtë muajve, Presidenti i ShBA’së, Donald Trump, ka ndalur gjashtë konflikte mes shteteve, duke përfshirë edhe Kosovën dhe Serbinë, shkruan Reporteri.net.

Deklarata e Leavitt vjen pasi Trump gjatë javëve të fundit ka përsëritur disa herë se ka ndalur një konflikt të mundshëm mes Kosovës dhe Serbisë, duke i paralajmëruar se nëse shkojnë drejt asaj rruge, nuk do të mund të bëjnë më tregti me ShBA’në.

Leavitt ka thënë se gjatë kësaj periudhe, Trump ka ndërmjetësuar mesatarisht rreth një marrëveshje paqeje ose armëpushim.

“Presidenti tani i ka dhënë fund konflikteve midis Tajlandës dhe Kamboxhias, Izraelit dhe Iranit, Ruandës dhe Republikës Demokratike të Kongos, Indisë dhe Pakistanit, Serbisë dhe Kosovës, dhe Egjiptit në Etiopi. Kjo do të thotë që Presidenti Trump ka ndërmjetësuar mesatarisht rreth një marrëveshje paqeje ose armëpushim në muaj gjatë gjashtë muajve të tij në detyrë”, ka thënë Leavitt në një konferencë për media.

Pas kthimit nga vizita në ShBA, Presidentja Vjosa Osmani ka deklaruar se në fund të muajit maj ka marrë informacione të reja lidhur me planet e Serbisë për përshkallëzim.

“Me konkretisht në fund të muajit maj kemi marrë informacione të reja specifike lidhur me veprimet e Serbisë në kufi me Kosovën. Menjëherë kam pas takime me institucionet e sigurisë që më raportojnë si president. Menjëherë kam ndarë këto informata me aleatët tanë të sigurisë duke kërkuar mbështetjen e tyre për ta ndalur përshkallëzimin e planifikuar nga ana e Serbisë”, ka deklaruar Osman

© SYRI.net

Lexo edhe:

• Miratohen dy Propozim-Vendime për pezullimin e përkohshëm të akteve të Odës së Avokatëve të Kosovës
• Mitrovica nis instalimin e kamerave të sigurisë publike
• Incident i rëndë në Gjilan: Një person sulmohet në kokë me shufër hekuri