NISMA shpall fitoren në Malishevë, Limaj: Krenar me vendlindjen time

Kryetari i Nismës Socialdemokrate, Fatmir Limaj ka njoftuar se Nisma ka fituar më mbi 40% të votave në Malishevë në bazë të rezultateve fillestare.

Kreu i Nismës ka falënderuar banorët e Malishevës dhe të gjithë qytetarët e Kosovës që votuan koalicionin ku bën pjesë partia e tij.

Postimi i tij:

Urime Malishevë për fitoren e madhe me mbi 40% të votave, në bazë të rezultateve fillestare.

Jam krenar me vendlindjen time, me bashkëvendësit e mi, që sot e dëshmuan edhe njëherë se janë shembull i një qytetarie që nuk mashtrohet, por, përkundrazi i japin mbështetje njerëzve që punojnë e bëjnë vepra të mira për Malishevën e tërë Kosovën.

Ne fituam bindshëm në Malishevë sepse Malisheva qeveriset nga NISMA Socialdemokrate.

Faleminderit nga zemra Malisheva ime! Faleminderit nga zemra secilit qytetarë të Kosovës që na votuan sot.

© SYRI.net

Lexo edhe:

• Miratohen dy Propozim-Vendime për pezullimin e përkohshëm të akteve të Odës së Avokatëve të Kosovës
• Mitrovica nis instalimin e kamerave të sigurisë publike
• Incident i rëndë në Gjilan: Një person sulmohet në kokë me shufër hekuri