Nemanja Matiç, aktualisht pjesë e Sassuolos më Serinë A, në një prononcim për ‘Fourfourtwo’ ka gjetur rastin për të sulmuar dy futbollistët me origjinë shqitare më me zë në përfaqësuesen e Zvicrës: Granit Xhaka dhe Xherdan Shaqiri.

“Serbia dhe Shqipëria nuk njihen për marrëdhënie të ngrohta jashtë fushës, dhe kjo pasqyrohet shpesh edhe në ndeshjet që zhvillojnë mes tyre. Historia e Ballkanit është e mbushur me dhunë, lëvizje për pavarësi dhe konflikte mbi shtetësinë. Serbia konsideron Kosovën si pjesë të territorit të saj, ndërsa Shqipëria mbështet të drejtën e Kosovës për vetëvendosje, duke pasur parasysh shumicën dërrmuese shqiptare të popullsisë.

Gjatë Botërorit 2018, Zvicra mposhti Serbinë 2-1, me gola nga Granit Xhaka dhe Xherdan Shaqiri, të cilët kanë prejardhje shqiptare. Të dy lojtarët festuan duke bërë një shenjë me duar që përfaqëson shqiponjën e flamurit shqiptar, simbol i njohur i nacionalizmit shqiptar.

Nemanja Matiç, që luante atë ditë për Serbinë, nuk pajtohet me këtë sjellje:

“I respektoj si futbollistë, kam luajtur kundër tyre disa herë në Premier League. Por me këto gjeste të vogla, ata grumbullojnë pikë politike të lehta. Ata janë rritur, mendoj, në Zvicër. Duke bërë këtë, nuk po tregoni respekt për vendin për të cilin luani. Nëse ju pëlqen kaq shumë Shqipëria, atëherë pse nuk luani për Shqipërinë? Kjo është pyetja ime.”

Matiç shtoi:

“Mund të të pëlqejnë disa vende, nuk është problem. Unë e dua Serbinë, është vendi im. Më pëlqen edhe Anglia, kam kaluar shumë kohë atje, por nuk do të them kurrë se më pëlqen më shumë Anglia sesa Serbia. Duhet të jesh i sinqertë. Kam luajtur kundër Xhakës shumë herë dhe kurrë nuk kam pasur probleme me të. Ne gjithmonë kemi shtrënguar duart, ai është një lojtar i mirë, ashtu si Shaqiri. Por unë kurrë nuk do të bëja gjëra të tilla për të provokuar dikë. I respektoj të gjithë.”

Edhe pse ndeshjet e fundit mes Serbisë dhe Shqipërisë kaluan pa incidente të mëdha, tensionet mbeten të larta, sidomos mbi çështjen e shtetësisë së Kosovës dhe mbi ndjenjat e thella të mbetura nga konfliktet ballkanike të viteve 1990.”