Mesfushori shqiptar i përfaqësueses së Maqedonisë së Veriut, Arijan Ademi, është bërë lojtari i dytë me më së shumti paraqitje te skuadra e Dinamos së Zagrebit. 

Këtë statistikë Ademi e regjistroi ditën e sotme në triumfin 0-1 ndaj Varazhdinit.

Mesfushori u aktivizua në minutën e 85-të të sfidës.  

Me këtë paraqitje Ademi ka arritur 400 ndeshje me fanellën e gjigantit kroat. 

Para tij në listë është vetëm ish-portieri Drazen Ladiç me 468 paraqitje. 

32-vjeçari u transferua te Dinamo në vitin 2010 si lojtar i lirë nga Shibeniku.

Gjatë kësaj periudhe ai fitoi 12 tituj kampioni me Dinamon e Zagrebit.